Ad verba Ethicorum Nicomach eorum constituenda praeter codices quattuor, quorum consensum II signo notavi, a Bekkero per totum opus collatos KLM Ob ubique adhibui editionem principem Aldinam (Ald.) et vetustam translationem (Ã), qualis impressa est ex secunda recognitione anno fere MDIV vel MDV hoc titulo inscripta: Decem librorum moralium Aristotelis tres conversiones: prima Argyropili Byzantii, secunda Leonardi Aretini, tertia vero antiqua etc.*), plerumque etiam Aretini translationem (Ar.) secundum eandem editionem. Qui ubi scripturam vertit, quam ego recepi, ut in editione mea critica Politicorum ita hic quoque saepius ad hoc indicandum variis lectionibus ex alio fontium genere deductis hoc signum† adieci. Praeterea lectiones, quas Heliodorus Prusensis (Hel.) in paraphrasi anno fere MCCCLXVII facta, a Daniele Heinsio annis MDCVII et MDCXVII Lugduni Batavorum edita et commentatores a Paulo Manutio Venetiis MDXXXVI hoc titulo: Eustratii et aliorum insignium peripateticorum commentaria in libros decem Aristotelis de moribus ad Nicomachum in lucem protracti, de quibus nostra aetate primus egit Schleiermacher Ueber die griechischen Scholien zur

*) Praesto mihi erant etiam variae lectiones, quas e codice manu scripto Pfitzneri syndici Schweidnitiensis olim duos libros priores, nunc praeter secundum has tantum primi partes 1095 b, 17-1100 b, 20. 1102b, 3-1103a, 10 continente, et per has quidem partes et per 1105a, 17-1106b, 5 sibi enotavit Mauritius Schmidtius comiterque in meum mihi usum permisit. Quas, ubi ab impresso recedunt, I'¹ nota insignivi.