The Glenbuchat Ballads

Vol: IV

 Contents Vol: IV No. Page [Willie Macintosh] Insert [188] 1 Lord Ingram an’ Gil Fyet 1 [188] 2 Lord Ogilvie 4 [192] 3 Earl Richard 6 [193] 4 King John 11 [198] 5 Queen’s Confession 14 [200] 6 Gaberlunzie Laddie 17 [203] 7 Young Aikin 19 [205] 8 Yarrow 23 [210] 9 Goss Hawk 26 [212] 10 Airly 31 [217] 11 Ballad 33 [218] 12 Allan Adale 34 [220] [The Duke of Gordon’s 37 [223] Daughters (title only)]  Volume IV [Willie Macintosh] Vol. IV: insert (Child 183, Willie Macintosh; Roud 4010) The tradition in the neighbourhood of the verses of the Castle of Cargarff is—that Campbell of Corgarff who had been abroad at the time of his Castle being burnt by Adam Gordon of Auchindown burnt Auchendown in revenge of the cruel murder of his Lady & family—& that the Ballad of Auchindown begins by some of Campbells friends dissuading him from attempting the sack of Auchendown in consideration of the power of [the] Gordon family who would revenge the destruction of Auchendown—his answer is— Hied me or hary me—that sanna fear me I’ll burn Auchendown in a May morning I’ll burn Auchendown ere the cock crawin It’s be a in a low ere the day dawin — — — — — — — — — — Written on a half sheet of paper, inserted at the front of volume IV; the handwriting is sharper than in the rest of the Mss. Note, line 2: its to his Castle Lord Ingram an’ Gil Fyat Vol. IV:1, pp. 1–3 (Child 66, Lord Ingram and Chiel Wyet; Roud 46) 1 Lord Ingram an’ Gil Fyat Were baith born in ae bower They laid their love upon ae lady In an unhappy hour 2 Lord Ingram an Gil Fyat Were baith bred in ae ha They laid their love upon ae lady Sine good o’t coudna fa  Volume IV 3 Lord Ingram he has courted her Frae father an’ frae mother An’ Lord Ingram he courted her Frae sister an’ frae brither 4 Lord Ingram he courted her Frae kinsfolk ane an’ a’ An’ Gil: Fyat he courted her Amang the sheets sae sma 5 Lord Ingram he gae to her A knife hafted wi steel She wished that it was in his heart Sae Gil: Fyet were well 6 Lord Ingram he gae to her A steed cost mony a pound She wished that he might brake his neck Sae Gil. Fyets were sound 7 O winna ye let alane brither O winna ye let alane For ye see my rings on her fingers My broach on her breast bane An’ if ye kent what were under that Your love would soon be done 8 I see your rings on her fingers Your broach on her breast bane But naething cou’d ever be under that Would gar my love be done /page: 2 9 Get up, get up my daughter dear Put on your wedding gown For mony a knight an’ bold baron Are waiting you the down 10 My shoes are on my feet father My glove is on my han 0 Volume IV But if it were your will father I’d rather bide than gang 11 I’d rather marry Gil: Fyet The white fish for to sell Afore I marry Lord Ingram The red gold for to tell 12 I’d rather marry Gil: Fyet Wi him to beg my bread Afore I’d marry Lord Ingram An’ wear the robes o’ red 13 O woudna’t be a sin father An’ a shame to a our kin Gin ’ I wou’d marry ae brither When I carry anither’s bairn 14 O ye maun gaing to Mary Kirk Gi Lord Ingram wedding O ye maun gang to Mary Kirk Tho’ ye shou’d never come hame 15 When bells were rung an mass was sung An’ a man boun’ to bed Lord Ingram an his bonny bride Into ae bed were laid 16 He put his han o’er his lady He meant to hap her back The bonny bairn in her twa sides I wat it lightly lap /page: 3 17 Father that bairn on me lady O father that bairn on me Whaever be the father o’ it O father it on me 18 I’ll no father it on thee Ingram I’ll no father’t on thee  Volume IV Whaever be...