In lieu of an abstract, here is a brief excerpt of the content:

  • Stxum ichmamej, and: Visión maya
  • Gaspar Pedro González (bio)

Stxum ichmamej

Hatatek'almitu b'ay max'el smuxukal yib'an q'inal,B'ay payi max tit yich sb'ehal q'inKa max puqlaykan'el yuj Heb'—komam Jajawil—Haxka kaqxuchum max yun jun pub'aq,Hatontu stitkan xol, jun sat poqoq: Tx'otx' tx'otxKa max jaykan stz'unsb'a b'ay jun najat luwarti'.

Kam max kankan yin yuj Heb' Cham,Ka maxkan loknaj b'ay oyb'ilkantoq yuj Ko Mam K'u.Nixhtaquil sikb'iaj xin, ka max'el leehoq yin haxka wayanKa spitzk'oj aj junan tzet iqb'il yunehoq.Haxkawaltu max yun yel yich yalji junan tzet ay yib'an q'inal:Jan watx'xek'al sq'inib' yalil k'al yayjk'u; yel yich, k'al slajwi ab'il.Yet unewaltuxin, ka max spojonsb'a ha hayej yin txótx'; q'aq' yetoq kaq'e' …Heb' kanwan' yajawil haxka sq'ab' yaqan skawilalej: IMOX, IX, KAQ, IQ'.

Jan mayayi yilikantoq sjolomlaq witz max b'onchajkantoq,Wal an kaq, k'al an xumakil: sumumi xanej yaq'on satlaq ak'al;Swatx'il sjab'tu' tol tzalojk'ulal yoq' no tzikin b'aylaq k'ultaq;Ha mimeq hej, k'al ha saqhej lihan, ochb'ej yahon'ok yal tz'unb'il.Haxkawal yaq'on sat junan te mimante', kaytu yun sjay ib'atx, utxum,Tukur ilom lab', kál no b'alam chi awji, no tz'unun, k'al txay …B'ab'el no no' yat ayej, yintalqil no yet satkanSlajwitaxin, no chi ek'jab' stxakwin yib'an tx'otx'.

Yelwal chi lajtx'ojok schihal yejek'heb' b'ay swatx'iltu',Aytowal yapni'ok junxa: Naq Winaq max'el b'ab'el yin tx'otx'.Ka max schahon naq: snab'al, yochb'al, k'al smimanil.Ka max tz'ib'chajkan yin snab'al k'al spixan naq,tzetaq hoq yun yek' naq b'ay jun yib'anq'inaltu',Ka max pojon'el naq s'ba yetoq yinatil, kajay naq sat tx'otx' tx'ótx'.

Palta pax jun yuninalheb'tu' maj ajapnoq haxkawal ochb'il.Hatuxin, heb' Komam Jajawil, kamax yuchonlajwoq heb' smulnailtu',Ka max tzak'layteq q'aq', hamax q'anlay yin snislay tz'a animatu',Yujwal tol maj syiqe heb' sq'anon yin swatx'il tzetAq'b'ilkan tet heb'. [End Page 155]

Yin skayelal ka max elteq junxa tuqan yul sq'ab' heb' Jajawil,Yin tete' max el junxak'ex ti'.Max schak'apaxheb' yayilal tzet hoq yun staynen smiman na.Palta ha yalil jun syob'al aykan yintu' sowre max uj yib'an janxaKa max telk'oj naq junelxa.Ha hahej max q'anlay yet junelxati skam jan yob' winaqtu'.Jun saqayejtu, k'un sk'ul, haxka unin, man owoq …Max sk'exoksb'a yin chinkam kaq'e yaxnab'.

Max ek'antoq junxa miman b'ulan ab'ilej, heb Mam TyoxhYalonheb' tet jun xala txutxixnam ichmamej: skawxanen yin ch'en ka'Sat kaneb'oq nal tx'oqtx'oq yili: kaq, q'eq, saq. Kál q'an.Yintu max'el jun kawej: yet hoq jatax smimanil junxa k'ex konob'.Haxkatu max yun sjaykan naq winaq yet Ixim,Iqb'ilk'al yuj jan yayilal q'anej yin sjolom k'al yin spixan.

Palta ¿tzet max sjatne naq?Max sb'eqoknaq sjob'sb'a jun yob'al, k'al jun elq'an yin spixan,Ha sjolom tol max skuy yaq'on lajwoq junan tzet aq'b'ilkantet,Max stz'ilbetoq hej, tx'otx' tx'otx', kaq'e' yetoq syob'al …Sjeronlawoq sch'ib' junan an an, k'al nono',Asanxanej kusilal, tz'inanil kamich sjatne b'ay xulek'oq.Ha peq'al yin tumin max uqtentoq sjoton'ajteq yetoq yisq'aq,Tak'al b'ay yulaq sk'ul tx'otx' ko txutx tx'otx',Xehal b`ay ayaytoq ch`en.

Man asanhoq jab'oq max yoche', tol masanil,Kaxk'almi tol hoq hek' yib'anlaq kamom anima,K'al sderecho janxa konob'.Ha jun tuqanti yob' max'elok yib'ank'al janxatu'.

Palta pax b'ay aykan rehal nab'alejtu', k'amwal tzet hoq toqkan k'ayk'ulal,Hata satkan hoq tit jalomal, ka...

pdf

Additional Information

ISSN
2471-1039
Print ISSN
1090-4972
Pages
pp. 155-158
Launched on MUSE
2019-04-11
Open Access
No
Back To Top

This website uses cookies to ensure you get the best experience on our website. Without cookies your experience may not be seamless.