Lee T. Pearcy
Buy Issue for $25 at JHUP- Lee T. Pearcy
Hoc, collegae praestantissimo, quod potuimus, confectum et carmine et oratione soluta munus, pro multis redditur officiis.1 Filius civitatis clarae propter viatores et praesidem musicae studiosum, alumnus academiae illustris quae duos praesides belli studiosos nutrivit, gradus et Baccalaurei et Magistri Artium apud universitatem perennem, hedera cinctam, in urbe meritis superba regalique situ conditam adeptus est.2 Adeptus gradum Philosophiae Doctoris apud universitatem erudiendis feminis eruditis insignem, in umbra tintinnabuli Libertatis, ipse erudivit discipulos discipulasque linguarum antiquarum, antiquorum Graecorum Romanorumque apud universitatesque academiasque.
Nuperrime diutissimeque servivit academiam magni momenti existimationisque meritae: ut praeceptor studiorum classicorum, Magister eximius in studiis classicis, et curator cursus discendi. Composuit multa opera, docta et laboriosa,3 de multis rebus: poetis Graecis et Latinis, scriptoribus medicis antiquis, coniunctionibus inter auctores classicae antiquitatis temporumque posterorum. In libro pleno scientiae cogitationisque splendide illuminavit regulas, quasi rerum grammaticarum principia, quae nostros mores humaniores et civicos moderatae sunt.
Prudenter, ut praeses, duxit societatem nostram; sapienter, ut lector litteratus, edidit vocem societatis nostrae promulgantem nova scripta; patienter, ut praefectus educandi, societatem philologicam patriae nostrae corroboravit. Plaudamus igitur iustum et tenacem propositi virum,4 Lee T. Pearcy.
Classical World 103.4 (2010)
Footnotes
1. Catul. 68.149–150: Hoc tibi, quod potui, confectum carmine munus / pro multis, Alli, redditur officiis, "This gift, which I have composed to the best of my ability, expounded in poetry, is awarded to you, Allius, in recompense for your many services."
2. Hor. Odes 3.30.1–2: Exegi monumentum aere perennius / regalique situ.… /14–16 [Sume] superbiam / quaesitam meritis et mihi Delphica / lauro cinge.… "I have constructed a monument more enduring than bronze on a kingly site … Adopt pride sought by achievements and garland me with Delphic laurel."
3. Catul. 1. 5–6: omne aevum tribus explicare chartis / doctis, Iuppiter, et laboriosis, "[you dared] to unfold an entire era in three book rolls, learned and testimony to hard work."
4. Hor. Odes 3.3.1: Iustum et tenacem propositi virum, "a man who is fair and fiercely committed to principle."
