In lieu of an abstract, here is a brief excerpt of the content:

viii Ombutiro Omiano vya Tjipangandjara, omiano omipe nomiano vyohungiriro omahungiriro nge ungurisiwa tjinene pevapayuva otjomahungiriro omahahungama momahungiriro wakumwe mokati kotjiwa¿a tjOvaherero. Omiano vya Tjipangandjara ovyo ounongo mbwe rihongwa momakaendero wehupo rovandu, nu mbu ungurisiwa otjoumuhewo ousupi. Omiano vyeraka rOtjiherero vi tjiukwa otjovya Tjipangandjara, pu pe heya kutja ongaro ya Tjipangandjara yomaungurisiro weraka. Omundu mo himwa kutja: ‘Hapo ingwi Tjipangandjara ou¿e?’ Otja komaserekarerero omakuru wOvaherero oveni, Tjipangandjara wa ri onongo yeraka ndi Otjiherero. Tjipangandjara, ndi heya kutja omupange wondjara, kanda ri ena re. Ena re wa ri Kasupi. Eye wa rukwa Tjipangandjara mena rokutja eye wa suverere okuhungira momiano. Eye wa suverere enyando ndi mOtjiherero ndi isanewa kutja onyu¿e nu mOshiwambo ndi tjiukwa otja owela, nu tjaa nyanda enyando ndi ovandu otjaave ongarere mbo okuyekupuratena komahungi we omanya¿ukise nga hovekwa nomiano pekepeke otja tji ma nyanda ehore ndi. Mu nao, ovandu otjaave kara me¿e ye mbo oruveze orure nokuhina okurimuna ondjara amave puratene ku ye. Kongaro ndji oku kwa za ena ndi Tjipangandjara. Ku ndino ndi omiano omipe vya yandjewa ku ye wina. Omiano vyeraka rOtjiherero otja kombazu vya ha¿ewa nai: Omiano vyeraka Omiano vya Tjipangandjara Omiano vyohungiriro Omuano wohungiriro okatimbuhewo poo okamuhewa komaheya nge ha ketasana nomaheya womambo nge ri mokamuhewo ngo nu mbu rihongwa ombomba nao uriri. ...

Share