The Glenbuchat Ballads

Vol: I

 Contents Vol: I No. Page 1 Baron of Brackley 1 [4] 2 Adam Gordon 3 [7] 3 Lord John & Rothiemay 7 [11] 4 Sir James de Ross—Balethen 11 [19] 5 Water of Gamery 13 [22] 6 Auchanachy Gordon 15 [25] 7 Queen’s Mary 17 [27] 8 Hey a Rose Malinda 19 [29] 9 Lochinvar 20 [31] 10 Lady Dysmond 21 [35] 11 Lady Mazrey 22฀ [37] 12 Rob: Roy 24 [42] 13 Craigston’s Growing 25 [45] 14 Sir Hugh 26 [47] 15 Moncey Grey 28 [50] 16 Hynd Chiel 30 [54] 17 Young Baithman 31 [55] 18 Hyn Horn 33 [59] 19 Dame Oliphant 37 [63] 20 William O’ Douglassdale 38(2) [67] At the bottom of the contents page, the following is written in a different hand, probably George Davidson’s: M.S. Ballads Collected in Glenbuchat prior to 1818 Ex T. D. 6 - 12 - 49  Volume I The Baron of Brackly. Old Ballad Vol. I:1, pp. 1–2 (Child 203, The Baron of Brackley; Roud 4017) 1 Inverey came down the get whistlin an’ crawin He was at brave Breckley’s yetes or it was dawin 2 ‘Are ye sleepin Breckley or are ye waukin ‘There’s sharp swords at your yetes will gar your blood spin 3 “’Gin ye be gentlemen light & come in “Gin ye drink of my wine ye’ll nae gar my blood spin 4 “Gin ye be herd widdifus ye may gae by “Ye may gang to the Lawlands & steal their fat ky 5 “Gin ye be gentlemen light & come in “There’s meat an drink in my house for many a man 6 “Gin ye be herd widdifus ye may gae by “Ye may gang to the Lawlands & steal their fat ky 7 Up spake his lady at his back where she lay Get up Baron Brackley & turn back your ky 8 Get up Baron Brackley & turn back your ky For they’re but herd widdifus, ye’ll them defy 9 O had you still Peggie & makna sic din For yon same herd widdifus ’ill prove themselves men 10 O fy get up Brackly & turn back your ky Or me & my women we will them defy 11 She called for her women they came to her han’ Said get your rocks lasses we will them command 12 But ’gin I had a man as I hae nane He woudna ly in his bed see his ky tane  Volume I 13 * There’s four an twenty milk white calves, twelve o’ them ky In the woods o’ Glentanner, its there that they ly If ye search all the Highlands there’s no such a dey 14 O had your tongue Peggy & gie me my gun For ye’se see me gae out, but never come in 15 O call my brother William, my uncle also My cousin James Gordon we’ll mount & will go 16 When Brackly was ready & stood i’ the close He was the bravest baron that e’re mounted horse 17 When Brackly was mounted & sat on the green He was the bravest baron that ever was seen 18 ‘Strike dog says Inverey, fight till ye’re slain ‘For we are four hundred & ye’re but four men 19 Turn back brother William ye are a bridegroom — — — 20 Wi bonny Jean Gordon that lives at the mill O’ sig[h]ing an’ sobbin she will get her fill 21 I’ll no turn back brother, it’s kent I’m a man /page: 2 I’ll fight in your quarrel as lang’s I can stan 22 But turn ye back Brackly an dinna langer stay What’ll come of your lady if Brackly they slay 23 What’ll come o’ your lady an’ bonny young son O’ what will come o’ them when Brackly is slain 24 I will never turn an’ I will never fly But here I will fight an here I will die 25 At the head of the Etnach the battle began At little Aucholzie they killed the first man  Volume I 26 First they kill’d ane of them syne they killd twa They killed the bravest baron that ever ye saw 27 O’ came ye by Tarland, Tarland town O saw ye his mither rivin her gowan 28 Came ye by Brackly or gied ye in there An’ saw ye his lady rivin her hair 29 I came by Tarland, Tarland town His mither Kate Fraser was rivin her gown 30...