Gullah Folktales from the Georgia Coast

XIX. Buh Elephant an Buh Rooster

XIX.. BUH ELEPHANT AN BUH ROOSTER. Buh Elephant, him bin know Buh Rooster berry well. Dem blan roam togerrur, an Buh Rooster blan wake Buh Elephant duh mornin, so eh kin hunt eh bittle befo de jew dry. Dem bin a talk togerrur one day, an Buh Elephant, him bet Buh Rooster say him kin eat longer ner him. Buh Rooster, him tek de bet, an dem tun in nex mornin, wen de sun jis bin a git up, fuh see who guine win de bet. Buh Elephant, him gedder leaf an grass, an eat an eat tel eh full an cant eat no mo. Buh Rooster, him sarche de grass fuh seed an wurrum, an eh pick an eat. Wen Buh Elephant done full, an der tan onder de tree duh flop eh yez, eh see Buh Rooster, dist es spry, duh walk bout an der swaller seed an grasshopper an wurrum same luk eh dis biggin fuh eat. Buh Elephant gib up. Eh fine eh yent de man wid de bigges belly wuh kin eat de longes. 45 ...